E ciudadano di Sint Maarten Dejon Daly, un studiante na Breda University of Applied Sciences, a entrega su tesis final na e Ministerio di VROMI, concluyendo su pasantiá di seis luna.
E tesis di Dejon, titula ‘Resilience through Spatial Design’ (Resiliencia via Diseño Spacial), ta presenta scenarionan pa e desaroyo di Belvedere North, cual Gobierno a cumpra mas trempan e aña aki. Daly y e Minister a traha estrechamente hunto pa formula su pregunta di investigacion: “Con intervencionnan di diseño urbano por capacita e comunidadnan di Sint Maarten pa traha y mantene resiliencia contra herican via espacio publico strategico, infraestructura y diseño di bario”.
El a haya acceso pa desaroya e tereno di Belvedere cu a wordo cumpra recientemente, reuniendo cu varios party interesa (stakeholders) den henter e Ministerio di VROMI, incluyendo e departamentonan di Maneho, Infrastructura y Obra Nobo, como tambe e Ministerio di VSA y St. Maarten Housing Development Foundation.
Den su tesis, e scenarionan di Daly ta enfoca riba solucionnan cu ta traha hunto cu e medio ambiente natural, en bes di bay contra dje. El a pone un gran enfasis riba factornan manera comunidad, luz natural, biento y desaguamento di awa (drainage), y el a desaroya un scenario hopi resiliente cu ta inclui apartamento (tambe pa gruponan vulnerabel), townhomes, casnan unifamiliar, como tambe un centro di bario y un cementerio.
E Ministerio lo uza e tesis di Sr. Daly como e base pa e desaroyo di e proyecto nobo di vivienda na Belvedere.
Sr. Daly a expresa su gratitud, recordando su experiencia como un gran honor y gradiciendo tur esnan cu a yuda haci e proyecto aki un posibilidad. “Mi ta feliz cu mi a haya e oportunidad di uza e conocemento cu mi a adkiri, y tambe di siña hopi mas structuralmente mi tabata na e Ministerio, especialmente riba e contexto local”.
Minister di VROMI Patrice Gumbs a declara:
“Mi ta sumamente orguyoso di e calidad di trabou y e analisis cu Sr. Daly a realisa den apoyo di e mision di Gobierno. Hunto cu e creacion di e fondo di garantia di hipoteca y e relacion mihora cu e fundacion di vivienda, nos ta bon caminda pa construi casnan seguro, pagabel y di calidad pa nos comunidadnan na Sint Maarten.”