E Honorabel Minister di Salud Publico, Desaroyo Social y Labor (VSA), Richinel Brug, ta confirma cu e acuerdonan firma durante e Consulta di Salud Publico di e Cuater Paisnan lo trese bentahanan cla y inmediato pa Sint Maarten.
E beneficionan principal pa Sint Maarten ta inclui entre otro:
Mas preparacion pa epidemianan y desasternan:
Sint Maarten lo beneficia di un colaboracion fortalece door di e Dutch Caribbean Public Health Expertise Network (DuCaPHEN), incluyendo hermentnan di vigilancia mehora, mehoracion di sosten na e isla y protocolnan di reaccion na crisis y horcan mas coordina na nivel di Reino.
Modernisacion di Ley di Cuido Involuntario
E paisnan a yega na un acuerdo riba un marco comun pa modernisa y actualisa leynan di cuido involuntario den henter Reino. Esaki ta garantisa proceduranan mas cla, mas sigur y mas consistente pa personanan cu ta rekeri intervencion psychiatrico y urgente, ta mehora continuidad y ta salvaguarda derechonan di pashent.
Un impulso pa prevencion y bienestar di comunidad
Acuerdonan pa aumenta prevencion, particularmente pa malesanan no transmisibel y tambe pa reforsa e promocion di salud basa riba comunidad lo apoya e esfuersonan continuo di Sint Maarten pa fortalece estilo di bida saludabel y reduci malesanan cu por wordo preveni.
Minister Brug a declara:
“ E acuerdonan aki ta trece mehoracionnan pa Sint Maarten. For di un mihor preparacion pa crisis te na un procedura di cuido involuntario mas cla y programanan di prevencion mas fuerte, nos ta tuma pasonan importante pa proteha e salud di nos comunidad.”
E paisnan tambe a haci uzo di e oportunidad pa participa den discusion bilateral, caminda a identifica colaboracion entre e paisnan y lo explora esaki mas leu.
E Minister a expresa su apresio na e Departamento di Salud Publico pa a sigura cu e prioridadnan di Sint Maarten tabata fuerte representa den e consulta.
Press release: Gobierno di Sint Maarten
