PoliticaFeatured

Minister Maduro a reuni cu Secretario di Estado Van Huffelen riba e trabounan haci den cuadro di Landspakket riba e tereno fiscal na Aruba

Reunion Cu Vh 02

Diaranson Minister Maduro di Finansa  hunto cu e profesionalnan di Departamento di Impuesto a reuni cu Secretario di Estado sra. Van Huffelen pa asina duna un bista di e trabounan cu ta wordo haci den cuadro di Landspakket riba e tereno fiscal na Aruba.

Durante e reunion a brinda un presentacion di e cambionan cu a wordo introduci pa por cumpli cu tema C di e Landspakket. Entre nan, a duna un bista di e implementacion di e Plan di Impuesto 2023 y e resultado te awo di e cambionan fiscal aki cu ta toca tema C1 di e Landspakket. A splica tambe riba e bon noticia cu Aruba ta riba e lista di cooperacion y transparencia fiscal di OECD cu ta toca tema C2 di e Landspakket. Fuera di esaki a indica cu ta trahando awo riba tema C3 y C4 di e Landspakket pa fortifica e administracion y hisa e nivel di cumplimento/compliance. Por ultimo a indica tambe cu reunionnan ta wordo hiba acabo pa yega na un palabracion fiscal entre Hulanda y Aruba den e prome kwartaal di aña 2024 pa asina por cumpli tambe cu tema C5 di e Landspakket.

E reunion a bay den bon ambiente na unda cu Minister Maduro y e profesionalnan di DIMP a tuma tempo pa asina por a contesta tur pregunta y brinda mas informacion pa asina e Secretario di Estado Hulandes por ta miho informa di e trabounan riba e tereno fiscal na Aruba.

Minister Maduro ta gradici sra. Van Huffelen pa su bishita y e cooperacion di Hulanda pa yuda na fortifica DIMP. E mandatario ta gradici tambe e ekipo di DIMP pa e gran trabou cu ta wordo haci pa Aruba por conta cu un sistema fiscal cu ta traha na bienestar di nos Pais.

Reunion Cu Vh 07 ScaledReunion Cu Vh 01 ScaledReunion Cu Vh 06 ScaledReunion Cu Vh 05 ScaledReunion Cu Vh 04 ScaledReunion Cu Vh 03 Scaled

Related posts

Parlamentario Hendrik Tevreden (MEP): Enseñansa pa empleo a aumenta di 600 pa 1600 cursista

EA News Author

Minister di Finansa Xiomara Maduro: E logro pa elimina atraso na departamento di impuesto ta na beneficio di un y tur

EA News Author

Segun e ultimo Economic Outlook di Banco Central: Aruba a recupera positivamente despues di un periodo economico dificil debi na e pandemia mundial

EA News Author

Leave a Comment

Whatsapp Message