ORANJESTAD, Aruba
Minister Marisol Lopez-Tromp a manda carta pa Presidente di Parlamento di Aruba Sr. Thijsen unda ta puntra pa continua cu e reunion publico cu a cuminsa dia 31 di Juli unda cu e parlamentarionan di partido POR a pidi pa un mocion di desconfiansa contra Minister Marisol Lopez-Tromp. Tambe a remarka cu tawata tin 7 minister cu a firma un carta unda cu nan ta retira nan confiansa den su persona. Minister Marisol Lopez-Tromp a duna di conose cu den cuadro di transparencia di integridad e segundo tanda mester continua. Minister Marisol Lopez-Tromp lo kier tin claridad pa locual ta su funcion como Minister. A menciona cu ta berdad cu ta den un periodo di mediacion cu ta bou di guia di Minister President pero na final di dia ta Parlamento di Aruba como organo independiente pa expresa su mes apart di kiko gobierno ta pensa. Esaki mester wordo dicidi abase di e preguntanan cu a wordo tresi dilanti y e contestanan cu a wordo duna. Minister Marisol Lopez-Tromp ta aclaria cu ta berdad cu su persona a bay den exterior pa motibonan personal di estudio di su yiu per a regresa bek pa Aruba den corto tempo pa atende cu su responsabelidad como mandatario y pa caba e reunion den parlamento di Aruba. Na final e Minister kier bin bek pa caba cu e reunion aki esta pa tene e prome tanda, e segundo tanda, e mocion y pa finaliza e votacion pa kite of no.
