PoliticaFeatured

Ministernan di Enseñansa di reino hulandes firma un acuerdo entre e cuater paisnan

Sr. Endy Croes

Dialuna ultimo, Minister di Enseñansa y Deporte Sr. Endy Croes a reuni cu directora di Departamento di Enseñansa Aruba (DEA), Sra. Anne Marie Proveyer y Coordinerend beleidsmedewerker Caribisch Gebied di Ministerie van Onderwijs, Cultuur en Wetenschap di Hulanda, Sra. Mabel van Houten.

 E motibo di e encuentro aki ta pa firma e Slotconclusie cu a haci dia 20 di april ultimo entre e cuater (4) Ministernan di Enseñansa di Reino Hulandes, esta Minister di Enseñansa di Aruba Sr. Endy Croes, Minister di Enseñansa di Curaçao Sr. Sithree van Heydoorn, Minister di Enseñansa di Sint Maarten Sr. Rodolphe Samuel y Minister di Enseñansa di Hulanda Sr. Robbert Dijkgraaf. Ta trata di diferente palabracion cu a haci riba nivel di Vierlandenoverleg, entre otro, Studiesucces cu ta trata di un beca pa fomenta intercambio di studiante dentro di Reino Hulandes.

 Ademas di esaki, a trata e Doorlichting Rapport cu Sra. Proveyer. Di 24 te cu 31 di mei tin un delegacion di Hulanda cu tambe ta reuniendo cu departamentonan di Gobierno y tur esunnan cu ta trek e Doorlichting Rapport. Sra. Proveyer a duna Minister Endy Croes informacion di tur palabracion cu a haci durante e reunionnan cu delegacion di Hulanda. Pa finalisa, Minister Endy Croes a expresa cu e tabata un reunion extenso, unda cu a trata temanan na nivel di Vierlandenoverleg. Dentro di algun luna e cuater (4) Ministernan di Enseñansa di Reino Hulandes lo bolbe reuni pa trata temanan di interes comun.

Ministernan Di Ensenansa Di Reino Hulandes Firma Un Acuerdo Entre E Cuater PaisnanSr. Endy Croes A Reuni Cu Directora Di Departamento Di Ensenansa ArubaDirectora Di Departamento Di Ensenansa ArubaMinisternan Di Ensenansa Di Reino Hulandes Firma Un Acuerdo Entre E Cuater Paisnan 1

Related posts

Minister Endy Croes a ricibi presentacion y Informacion di Proyecto di Tennis

EA News Author

Minister Maduro ta invita comunidad pa e acto di seyo oficial di kapel di alto vista como prome monumento priva protehi

EA News Author

Minister di Enseñansa y Deporte Endy Croes cu un transparencia total den Parlamento di Aruba

EA News Author

1 comment

Leave a Comment

Whatsapp Message