Candidato di partido PPA, Rigoberto Sint Jago ta trece un enfoke fresco riba e bario historico di San Nicolaas. For di su raiznan den Zeewijk riba bista pa diversificacion turistico, Sint Jago ta duna un cuadro cla di loke e comunidad aki ta representa pa henter Aruba.
E combo politico y e necesidad di cambio
Segun Sint Jago, hopi biaha promesanan politico a keda poni den lachi of “den doofpot” ora un gobierno ta cambia. Pa kibra cu e tradicion aki, e ta mira inportancia den personalidad nan neutral manera Sra. Suzette Dumfries, kende cu for di punto di bista di bario nan for di San Nicolaas por liderá un movemento nòn-politicall. E meta ta pa uni tur gremio, partido politico, y comerciante pa hunto traha riba un cambio real pa San Nicolaas.
Un mosaico cultural unico na mundo
San Nicolaas no ta un bario mas; e ta un testigo di un rikesa cultural incomparabel. E bario ta consisti di no menos cu 98 nacionalidad. Sint Jago ta recorda con den añanan sesenta Boneriano, y diferente otro cuidadanonan di ptro islanan den Caribe a yega Aruba cu nan musica, instrumento y cultura.
“San Nicolaas por ofrece bo e unico Ciudad na mundo caminda bo ta yega, tuma un taxi, y bo no ta sinti falta di ningun otro isla den Caribe, Sint Jago ta duna di conoce, recordando e caracter “Chocolate City” y e presencia di ritmonan manera soca y reggae.
Desaroyo, muraya y turismo pa futuro
Un di e puntonan clave den su analisis ta e descuido historico di San Nicolaas compara cu e centro di Ciudad. Sint Jago ta compara esaki cu kasteelnan na Europa, unda e rikesa ta keda dentro di murayanan halto te ora cu hubentud fada y cuminsa exigi loke ta pertenece nan.
Pa loke ta trata turismo, e candidato ta accentua cu San Nicolaas por hunga un papel fundamental den diversificacion turistico di Aruba. Mientras cu e parti west di e isla ta sinti manera un “little Miami” y esaki no ta e cainda cu kier pa San Nicolas. Sinembargo San Nicolaas por duna bishitantenan un sabor Caribense autentico (Chocolate City flavor), garantisando cu e turismo ta sigui crece y alabes sirbi como un pilar fuerte pa economia local.