Fundacion Lanta Papiamento a traha largu tempo pa conscientisa riba e importancia di Papiamento. Sinembargo, Joyce Perreira, presidente di e fundacion, ta indica cu ta hopi dificil pa yega na e generacion nobo. E situacion no ta solamente na Aruba ta un tendencia mundial caminda interes pa e idioma propio ta bay disminui.
Segun Perreira, mundo a desaroya rapido den tecnologia y digital, y e hoben a cambia su interes completamente. Ora e generacion mas bieu a participa hopi den combersacion cara na cara y interaccion social, e generacion nobo ta mayormente den nan telefonnan.
Perreira enfatisa tambe e necesidad di haci investigacion den e tema aki. E ta kere cu sistema di enseñansa na Aruba no ta logra motiva hoben pa sigui siña. Lamentablemente, e metodo di enseñansa actual ta kibra hopi animo di e mucha pa sigui siña i desaroya su konosementu.
Segun e presidente, ora un mucha ta enthousiasma pa siña, scolnan mester estimulá esaki, pero hopi biaha e no ta tuma lugar. Perreira ta observa tambe moveshonnan extraño den sistema di enseñansa na Aruba. Papiamento a wordu introducí solamente pa lesa i skirbi den scolnan basico, sin ofrece un educashon kompletu den e idioma. E situashon aki ta lanta pregunta riba con e por tuma luga den nos sistema di enseñansa.
Segun Perreira, algun departamento di enseñansa ta kere cu si un mucha por lesa y skirbi na Papiamento, e por sigui tur otro materia den Hulandes. Un ehempel, rekenning,un materia cu ta exigi comprension abstracto mester siña prome den idioma nativo di e mucha prome cu introduci den otro idioma. Perreira ta alerta cu e inconsistencia aki den sistema di educacion por dañá desaroyo intelectual di nos muchanan y ta mustra hopi preocupacion pa futuro di e generacion nobo.
youtube.com/watch?v=rSj6vXmOLPc&feature=youtu.be