Abogado Vito Carlo tin confiansa cu e decision di Corte lo ta mescos cu esun anterior, unda cu a ordena libertad di su cliente Otmar Oduber.
Oduber su nomber ta wordo menciona den caso Flamingo sinembargo dia 28 di mei ultimo Hues a haya cu no tin base pa mantene deteni y a ordena su libertad. Ministerio Publico sinembargo no tabata di acuerdo cu esaki y a dicidi di apela.
Oduber a bisa di a keda sorprendi cu e apelacion. OM ta mal uza drasticamente e poder cu ta wordo otorga na nan persona den ley.
Marisol tambe a entrega keho contra Otmar: Na Juli 2020, ex minister Marisol Lopes Tromp a entrega keho contra Otmar, riba caso SPIRITO.. Aki tambe Otmar a splica cu no ta existi ambtenaar SPIRITO. El’a bisa cu e ta considerando di entrega un keho contra Marisol pa valse aangifte.
Ministerio Publico a pidi Corte pa detene Otmar atrobe, pasobra nan tin entre 5 cu 10 hende mas pa interoga.
El a recorda tur e entradanan na juni, 2020, en busca di documentonan. Dos aña despues ta bin haya sa finalmente kico nan tabata buscando. Y awo a bin haya sa cu caso Flamingo ta basa riba informacion cu ta yega riba esaki. Pero no a interogue mes riba e tema aki. A resulta cu tur cos ta tuma luga a base di redo. Flamingo cu supuestamente tabata un caso sumamente grandi. Henter e caso ta basa riba un keho falso entrega. Pa e motibo aki e mes lo entrega un keho contra Marisol tambe.
E funcionarionan spirito tambe ta algo cu no tin sentido, pasobra e minister cu a cuestiona esaki tabata sa cu e hendenan tabata trahando, pero e no tabata kier a papia ni topa cu nan.
Den e caso trata den Corte dialuna, no a presenta ningun documento relaciona cu e denuncia haci. E dos terenonan cu ta papia di dje ta tereno eigendom y cu no a pasa tempo cu e tabata minister. Dos aña a pasa tabatin suficiente tempo pa interoga y no a haci nada.
Oduber a bisa cu henter e proceso aki ta perhudica su mes profesionalmente pero tambe su salud, sin cu e tin fundeshi. Ministerio Publico tey pa haci husticia, pero no por abusa di e sistema. “A cera mi y durante e shete dianan cu mi tabata cera, solamente 4 dia a interogami pa dos ora,” Oduber a conta di e situacion.
Tur cos ta draai rond di denuncia di un politico, pero cu no tabatin base. No ta existi spook ambtenaar y esaki no ta posibel den Gobierno. Pa loke ta tereno, “mi ta e Minister cu mi maneho ta existi ainda na DIP. Prome cu esey nunca tabatin un maneho skirbi. P’esey no por tin un caso politico.” E politico cu a haci denuncia falso contra di su persona awor Otmar Oduber lo haci un denuncia contra di su persona cu a haci entrega di un denuncia falso contra di su persona.
Prome cu fin di siman Hof lo tuma un decision riba e caso aki, basa riba tur loke cu a bini dilanti den e caso aki.