Local

Pastor Marcel Balootje: Mayor lanta ariba y cuida boso yuinan

Pastor

Nos ta respeta tur hende cu por tin otro pensamento pero e berdad ta esaki;

Famia ta un institucion den sociedad ordena pa Dios.

E homber lo bandona cas di su tata y mama y lo uni cu su esposa y nan lo ta un solo carni,( Genesis 2:24) y dentro di e matrimonio ey lo tuma lugar relacion sexual, autorisa pa Dios, pasobra Palabra di Dios ta siña nos cu solamente homber y muher a haña e mandato Dios pa bai y multiplica ( Genesis 1:27+28).

Pa asina nan por yena e mundo cu hende ,y den e fauna tambe tur animal y insecto, Dios a ordena  machu y muher pa asina nan tambe multiplica. 

Tur otro relacion sexual cu no ta formalisa door di un homber y un muher no tin autorisacion di Dios. Pesey Bijbel ta siña nos cu esey ta abominacion.

Nos tin den nos sociedad hopi mama soltero y hopi tata soltero, pero tur a yega na yiu door e sexualidad autorisa pa Dios entre homber y muher.

Tin hopi hende cu a forma famia y ta biba cu otro, pero ta boluntad di Dios, pa nan contrae matrimonio, pasobra si un muher of un homber ta bon pa biba cune, ta bon pa e pareha busca Cristo Hesus , casa cu otro y duna bon ehempel na nan yuinan y sociedad.( Hebreonan 13:4).

E diabel , e colebra bieu, e gran mentiroso, ta doño di tur imitacion, e kier imita Dios, pero e no por imita Dios pasobra Dios ta soberano y Dios ta creador di tur cos, y diabel no por crea nada.

Pero mundialmente e a logra di gaña y ciega miyones di hende y cu aprobacion di nan gobierno, pa  acepta imitacion di matrimonio  pero no por multiplica, pasobra e no ta autorisa pa Dios.

E diabel a logra bruha mente cientificonan y esnan den technologia avansa, pa nan bay imita creacion di Dios, pero nan no ta bay logra pasobra Dios su creacion ta perfecto.

Pakico mayor mester cuida nan yuinan?

Wak bon rond di nos, y observa con e traficacion pisa di Droga y Ilegalidad ta aumente den nos awanan teritorial y tambe den awanan internacional rond di nos.

Esey ta nifica cu e demanda riba nos isla ta grandi, of e trampolin di transporte di droga ( Drughub)via di nos isla pa otro destinacion a crece y un caminda tin un porta habri.

Corda bon cu ningun ladron ta horta den un cas bashi. Mayor cuida bo yiu.

E aumento drastico di tur tipo di pornografia, perversidad, inmoralidad, cu bo por haña riba cualkier telefon, awendia ta devastador.

Malvadonan /inmoral kier impone nan forma di biba riba mucha chikito y hobennan, bao di e capa di informacion. Mayor cuida bo yiu.

Leynan ta pasando rond mundo, den cual muchanan por tuma decision riba nan mes, entre otro pa cambia sexo,(transgender) sin consulta cu mayor, y pa tene relacion cu esun cu nan kier for di 12 aña. Ta na caminda pildora pa Abortus,( e tey caba) pa wordo bendi publicamente, djis pensa cuanto desaster e cos ey lo bay haci riba mundo.

Ta na caminda euthanasia tanto pa hubentud y pa mucha bao di 10 aña.

Hunto cu tur e avansenan den droga y alcohol cu ta knockout hende, y ta pesey tin tanto accidente y morto pasobra hende no sa kico nan ta usa ni tampoco bebe. Mayor cuida bo yiu .

Proverbionan 19:18 ta papia fuerte cu mayornan bisando: Disiplina bo yiu mientras cu tin speransa ainda y no desea su morto.

Related posts

Ciudadano Esteban Paesch: Mi no a haya ataca di curason pero nan a para mi curason despues cu a haya anestesia pa prepara pa bay opera

EA News Author

Trabounan di mantencion riba molina di Pavia

EA News Author

Minister Endy Croes ta felicita ASV River Plate cu nan 70 aniversario

EA News Author

Leave a Comment

Whatsapp Message