Gobierno di Aruba pa medio di Minister di Finansa Xiomara Maduro ta trahando riba Presupuesto 2024. E siman aki e mandatario hunto cu expertonan di Departamento di Finansa a repasa e ‘Meibrief’ cu ta e carta di Minister di Finansa dirigi na Conseho di Minister cu ta contene e cuadro financiero cu despues lo bira Presupuesto 2024 di nos Pais. E mandatario a splica cu tin decisionnan cu tin cu wordo tuma den Conseho di Minister pa asina Presupuesto 2024 por conta tambe cu un surplus di 1% di nos GDP. Minister di Finansa Maduro ta trahando pa e aña aki atrobe por cumpli debidamente cu nos Constitucion pa entrega Presupuesto 2024 na tempo, prome cu 1 di september 2023 na Parlamento di Aruba. Minister Maduro lo tene Pueblo informa riba e trabounan pa Presupuesto 2024 por wordo finalisa.
Minister di Finansa Xiomara Maduro: Gobierno ta trahando riba presupuesto 2024 pa por entrega esaki prome cu 1 di september na parlamento
