Ministerio di Enseñansa, Ciencia y Desaroyo Duradero maneha pa dr. Rudy Lampe di partido RED Democratico a traha desde 2017 den un forma hopi profesional sin haci mucho publicidad. Pa mustra pueblo tur loke e Ministerio aki a haci e ultimo tres añanan a bin ta trece esaki den diferente programa na television. Diadomingo anochi lo ta bay tin e ultimo programa di un serie programa televisivo riba enseñanza.
E ta un programa cu ta pasa tur diadomingo anochi 7:30 na Canal 13. E programa normal tin duración di un ora. E siman aki e lo ta mey ora pa e informacion yega miho cerca e ciudadanonan.
E programa informativo aki ta bay toca e tema di Enseñansa y innovacionnan den e area aki. Ta trata di un programa unda ta bay profundamente riba e cambionan cu a haci den e area di enseñansa, e plan di maneho y con avansa su implementacion ta.
Tipo di programanan asina tah iba e informacion directo na e ciudadanonan, kende ta scucha for di e mandatario tur loke cu a haci e ultimo 4 añanan pa mehora calidad di enseñansa.
Manera ta conoci, a haci basta cambio den enseñansa y a bini cu educacion multilingual, cual tabatin demanda p’e. Pero tambe a duna hopi atencion na enseñansa special cu e meta pa inclui tur mucha di e pais aki cu tin derecho riba enseñansa y trato igual.
Pues sintonisa Telearuba diadomingo pa 7 :30 di anochi.
Programa televisivo di Minister di Enseñansa riba innovacion di Enseñansa na telearuba dia 20 juni 2021
