Djaluna último 12 di desèmber Tourism Corporation Bonaire (TCB) a duna rekonosementu na dos bishitante prosedente di Merka komo Embahador di Boneiru. Nan a risibí esaki den dos diferente kategoria: oro i platina.
Michael Gaynes ta bishitando Boneiru pa 25 aña i a risibí su feneta di oro for di sra. Claire Thielman-Sealy, gerente general di Captain Don’s Habitat.
Joe Bertroche Jr. a risibí feneta di platina na okashon di su 36 aña di bishita na Boneiru. Tabata sra. Helen Mercera-Thodé ku a ofisialisá ambos seremonia.
