Pa Wendrick Cecilia di partido AVP tin hopi similaridad entre AVP y partido FUTURO , si mester mira y evalua e diferente topiconan y temanan cu ambos partido ta carga manera costo di bida, forsa di compra y capacidad pa inverti den nos hende nan , segun cecilia hopi di nos hende nan no ta biba den nan libertad economico si mester mira nos adultonan mayor y esunnan cu ta forma parti di e clase medio y esnan cu ta biba bou di salario minimo.
Segun Wendrick Cecilia tin un preocupacion hopi di preocupante den comunidad riba costo di bida unda cu tin personanan ta traha 1 of dos trabou pa sobrevivi. Ta sinti cu costo di bida ta halto y cu Aruba su hende nan a bay atras. Pesey mes e maneho di gobierno mester bay enfoca pa crea y fortifica situacion financiero di Pais Aruba. Tambe tin mas temanan manera vivienda cu mester haya su atencion y tambe enseñansa, asina por keda menciona temanan cu tin atencion di partido AVP. Pero na mes momento ta kere cu e mes un puntonan aki tambe ta importante pa e otro partidonan cu ta den e proceso aki.
Den e formacion di gobierno aki tin diferente posibilidad nan , pero awo e negociacionnan ta bay cuminsa pa asina mira con leu por yega na otro.