E Barku di Marina Hulandes Zr.Ms. Holland a interseptá dos transporte di droga di droga riba 25 di febrüari, den koperashon ku Marina di Colombia riba Laman Karibe.
E (go-fast) botonan rápido a keda deskubrí pa medio di un avion di patruya marítimo di Wardakosta Region Karibe i un helikòpter di Marina Kolombiano. Hr.Ms. Holland a manda un helikòpter embarká di Wardakosta Merikano i e FRISC, un boto rápido, ku un ekipo kombiná di tripulashon di e barku, i a bai abordo di e destakamentu di mantenshon di lei di Wardakosta Merikano. Despues di a duna señalnan pa stòp, e go-fast no kier a stòp. Despues di a los algun tiru di atvertimentu e presunto kontrabandistanan a entrega nan mes. E di dos go-fast a keda detené pa e barku di Marina Kolombiano ARC Victoria. En total 800 kilo di kokaina a keda konfiská.
E presunto kontrabandistanan i e kontrabanda a keda trasladá pa Wardakosta Merikano. E presunto kont6r5abandistanan lo keda pèrsiguí na Estádos Unídos.
Zr.Ms. Holland desde Òktober 2022 a keda desplegá komo barku patruyero den Region Karibe Hulandes, i ta alterná e lucha kontra droga ku apoyo di Wardakosta Region Karibe Hulandes i ku Wardakosta di Estádos Unídos di Merka. E barkunan Hulandes den Region Karibe tambe ta koperá ku Marina di Colombia den e lucha kontra droga.
