FeaturedInternacional

24 Altocomisario den regio a topa hunto na e conferencia di ACCP

Kpa Regional 1

Recientemente a tuma lugar un conferencia di (ACCP)
Association of Caribbean Commissioners of Police. Esaki ta in conferencia cu ta tuma
lugar cada aña y nos altocomisario di Polis drs. Ramon Arnhem tambe tabata presente
e aña aki.
Cada aña na Miami ta escohe un Pais pa haci e conferencia y e biaha aki e a toca turno
na e Pais Belize. Durante e conferencia a toca diferente tema y presentacionnan
importante. Altocomisario Arnhem a dirigi su presentacion na e crimen transnacional
(ondermijning) den region bou representacion di College van Korpschefs di Reino
Hulanda na unda e ta dirigi e cartera di combati crimen transnacional (ondermijning).
Cu colaboracion strategico y operacional Polis y partnersnan paden pafo di regio como
tambe intercambio di informacion y inteligencia ta importante y necesario pa combati
efectividad di crimen transnacional. “Criminalnan ta traha hunto y nan ta sigui opera
mas leu cu e frontera pesey mester innova y traha mas estrecho cu otro pa combati
esaki” tabata palabra di altocomisario Arnhem durante su presentacion.
Kico ta Crimen transnacional (ondermijning)?
Ta un crimen hopi organisa caminda e criminalnan ta usa y abusa di e sociedad pa
realisanan actividadnan criminal. Ehempel di esaki ta: Labamento di placa, trafica
hende y fraude. Hopi biaha esaki ta wordo opera riba frontera y criminal for di diferente
Pais ta involucra.
Kico ta ACCP?
E ta un conferencia importante na unda 24 altocomisario di diferente Pais den regio ta
bini hunto den un solo conferencia pa intercambio di idea y conocimento pa asina otro
Pais cu ta miembro cu tin problema di seguridad por haya ayudo y hunto combati esaki.
Tambe tabata tin representante di FBI, Interpol, Impacs, US Homeland Security, NCA
UK, RMP a bishita e conferencia aki.
Pa Aruba esaki tabata uno exitoso na unda a estrecha lasonan fuerte cu otro Paisnan
pero tambe cu representantenan di diferente organisacion nan importante di Husticia y
Seguridad.

Kpa Regional 2 ScaledKpa Regional 3

Related posts

ABC Tours ta pone Aruba luci den top di atraccion turistico na nivel mundial

EA News Author

Boneiru a surpasá e kantidat di turista di promé i despues di e pandemia, un kantidat rekòr di bishitante stayover na aña 2023

EA News Author

Minister Maduro a reuni cu Secretario di Estado Van Huffelen riba e trabounan haci den cuadro di Landspakket riba e tereno fiscal na Aruba

EA News Author

Leave a Comment

Whatsapp Message