ORANJESTAD, Aruba
E recomendacion oficial na Merca (y otro paisnan occidental) ta cu e ciudadanonan no mester bisti “mondkapjes”, tabata motiva pa e necesidad di spaar mascarana di oxigeno pa trahadonandi salud. No tin un base cientifico pa e declaracion cu masknan bisti door di no profesionalnan “no ta efectivo”. AL contrario, pa sigui e formula di “flatten the curve”, cualkier forma adicional pa evita transmision ta bon-bini – hasta e masknan quirurgico of esnan traha na cas, cu lo no soluciona toch e problema di escasez. E mas ultimo descubrimento di e virus SARS-Cov-2 riba su entranda den e ser humano y fluho di tosamento, ta sugeri cu e forma principal di transmision no ta e particulanan chikito den aire pero e “droplet”nan grandi, y por lo tanto ta na su luga e uzo di mask door di tur hende.Centro pa Control di Malesanan di Merca (CDC) ta bisa cu e masknan ta duna menos proteccion cu e mask di oxigeno N95, cu mester fit perfectamente y solamente profesionalnan por hacie. CDC ta recomenda pa personanan saludabel no bisti mask, solamente esnan malo. E reglanan aki no ta basa riba aspectonan cientifico pero motiva pa e necesidad pa salvaguardia masknan valioso pa e profesionalnan di e ramo mirando e escasez cu ta existi. Contraste cu esaki ta e habito cultural of hasta obligacion pa bisti mask na paisnan Asiatico – cu a “flatten the curve” for di inicio. Mask of N95 respirator mask no ta ofrece e proteccion perfecto. Pero si e meta ta pa baha e curva, mester pone un banda e pensamento blanco y preto, y tuma sombranan of pensamentonan gris. No por pensa mas cu masknan no ta efectivo. No por permiti lo perfecto ta enemigo di e bon. Pensa cu e mask, hasta esun traha na cas por reduci e transmision. Un cientifico a haci un investigacion y a conclui cu ta incorecto e recomendacion oficial di CDC y FDA cu masknan bisti door di personanan no ta traha den salud, no ta efectivo.E ta basa su mes riba logica, e mecanismo di transmision y e entrada biologico di e virus. E mask no ta duna un proteccion 100%. Pero esey no ta nifica cu no tin sentido pa no use. Ta mescos cu si bo tin sed y bo no ta tuma e glas di awa cu nan a dunabo pasobra e ta mita yen so. No tin evidencia 100% cu e no ta sirbi. Con virusnan cu ta causa malesanan cu ta den aire, causa pa “droplets” for di un persona pa otro, ta complica, y no completamente studia. Tur cos ta draai rond di cual tipo di “droplets” ta pasa via di e mask of no.E pregunta ta: si tur hende kier mitiga e pandemia, “flatten the curve”, kico por reduci e particulanan di yega e pulmonnan. Intuicion ta sugeri cu hasta e mask mas imperfecto por ofrece algun proteccion cu por lo menos ta ofrece algun proteccion cu ta perlo menos un separacion di mas cu 6 pia den interaccion social, of labamento di man of di mishi cu bo cara. E virus SARS-Cov-2, mescos cu cualkier virus mester pega riba celnan humanonan, un yabi y lock pa nan pega riba otro. E mask, algun investigado ta bisa, ta forma un barera pa blokia of reduci e proyectilnan grandi di “droplets’ cu ta cay den nanishi of garganta. Y reduci di e forma aki e efecto.
