Kontinuando ku un investigashon den un kaso di atrako kometé dia 30 di desèmber 2020
riba un minimarket den Mirla Plaateweg, polis a hasi dos (2) detenshon.
Djabièrnè 12 di mart 2021, alrededor di 10.40 or, tim di atrako a detené e hòmber
sospechoso R.K.K. di 22 aña di edat, nasé na Kòrsou.
E detenshon di e sospechoso a tuma lugá riba Piscaderaweg.
Alrededor di 14.30 or, e mesun tim a detené e sospechoso maskulino A.J.D.H. di 19 aña di
edat, nasé na Kòrsou. E detenshon a tuma lugá na Warda di Reshèrshe.
A presentá e sospechosonan dilanti di un fiskal ouksiliar ku a ordená nan enkarselamentu,
pendiente di mas investigashon.
1 comment