Resientemente Wardakosta su Sentro di Reskate i Kordinashon (RCC) a risibí un yamada riba
e number di urgensha 913 di un persona preokupá. E persona a indiká ku e ta mira un seadoo
riba laman ta drif bai ku dos persona na bordo na e laman na Karakter. Mesora RCC a dirigí un
Metal Shark i e helikòpter di Wardakosta pa bai yuda e personanan riba e seadoo. Na yegada
di e unidatnan na e sitio e seadoo a kore ku velosidat haltu bai kantu. Pa motibu di e aktuashon
sospechoso akí e tim riba e unidat di e Metal Shark a disidí di bai kontrolá e seadoo i su
pasaheronan. Durante e kontrol a konstatá ku e dokumentonan di e seadoo no tabata na òrdu i
a konfiská e seadoo. Alabes e personanan a risibí un prosèsverbal pa motibu ku a neglishá e
medidanan di covid i subi laman siendo ku esaki ta prohibí na e momentonan akí.
Personanan mester tene kuenta ku e medidanan aktual di covid ta vigente riba laman tambe.
Solamente piskadónan inskribí na LVV ku tin eksonerashon por subi laman pa ehekutá nan
trabou. Tur otro boto òf seadoo ku ta nabegá riba laman ta kore e riesgo di haña un
prosèsverbal na momento ku Wardakosta hasi kontrol riba laman.
Wardakosta ta konfiská seadoo i e doño ta risibí but
