Como un compania innovativo cu ta enfoca riba desaroyo continuo, SETAR ta aporta na varios programa pa nos hobennan durante aña. E biaha aki SETAR ta orguyoso di por aporta na e programa “Discover Your Potential”diseña pa Sra. Sharleen Tromp, specialmente pa studiantenan entre 17 y 20 aña di edad.
E meta di e programa aki ta pa stimula nos studiantenan pa descubri y desaroya nan potencial pa ta mas consciente di nan mes, compronde otro, crea caracter y compronde nan vocacion den bida. Studiantenan cu ta consciente di nan strenghts y siña con pa desaroyanan, ta bira mas sigur di nan mes, cual ta provee e motivacion pa enfrenta retonan nobo y logra excelencia. Esaki ta un tarea clave pa siña durante e añanan escolar.
E programa aki lo tuma luga di 2 pa 13 di augustus 2021 y lo ta completamente gratis. Cuponan silo ta limita. SETAR ta invita tur studiante entre 17 y 20 aña interesa pa manda nan motivacion na sharleentromp@gmail.comy asina haya oportunidad di wordo selecta pa por participa.
