Biblioteca Nacional Aruba a expande su coleccion cu casi 5000 buki mientras cu e coleccion digital tambe ta sigi crece. E coleccion a bira mucha mas diverso y rico cu bukinan di mucha y buki pa adulto. Bukinan cu storia na diferente idioma pa mucha y buki tocante diferente tema. Pa adulto biblioteca a haya hopi novela na Hulandes, Spaño y Ingles como tambe Papiamento. Un variedad amplio di bukinan di diferente topico pa un y tur. Banda di buki nobo, biblioteca tambe a haya hopi buki for di lesadornan den comunidad cu ta desea di comparti nan coleccion cu otro lesador. Biblioteca a haya un donacion tambe for di bibliotecanan na Hulanda. Pues pa un y tur tin algo pa lesa y disfruta. Lesamento ta bon pa mucha, hoben, adulto, adulto mayor y biblioteca ta yama tur bon bini!
Hopi buki na biblioteca
