Despues cu recientemente Fedracion di Trahadornan di Aruba a solicita un referendum bou di empleadonan di Aviation Ground Services N.V (AGS), esaki a wordo fiha pa Diamars, 26 di April 2022 proximo entre 8:30 y 11:00 di mainta na kantoor di Mediador di Gobierno ubica na Dr. Henriquezstraat 19.
FTA ta pidi tur empleado cu derecho di voto pa presenta nan mes den e orario stipula cu un forma di identificacion oficial (ID, rijbewijs of paspoort) pa asina haci uzo di nan derecho di voto.
