Sustainable Education Symposium (SES) cu un trayaectoria ya caba di dies aña
exitosamente. Den tur e dies aña exitoso aki organisa pa Biblioteca Nacional Aruba
(BNA) bou direccion di sra. Astrid Britten kende ta e director di e departamento.
Banda di sra. Astrid Britten ta sr. Ronny Alders kende ta na cabez di Sustainable
Education Symposium kende ta encarga pa organisa y dirigi esaki hunto cu e team di
Biblioteca Nacional Aruba.
Sustainable Education Symposium tur aña ta scohe un tema y ta invita
diferente orador local y international pa duna presentacion. E simposio aki ta dedica
na nos muchanan di scolnan segundario. Semper ta purba na invita un of otro scol pa
participa den e siman cu eta wordo organisa. Tambe tin un anochi pa publico cu por
bishita.
Durante dies aña semper Biblioteca Nacional Aruba a kere den Departamento
di Agricultura, Cria y Pesca Santa Rosa y nos Sector Primario. Semper a invita Santa
Rosa pa forma parti di e Simposio aki. Sea dunando lectura of presentacion aportanto
na e idea of topico. Den mayoria ocaccion tabata duna diferente tayer na alumnonan.
Den e dies añanan aki semper a, ta y lo sigui traha hunto na educa di nos hobennan cu
ta participa na e simposio aki.
Na e ocacion di Xth Sustainable Education Symposium cu a habri e siman aki
pa scolnan cu a wordo invita y prome biaha na Biblioteca Sanicolaas. Tabata un
sorpresa un biaha mas pa duna reconocimento na esnan cu semper a y ta kere den
Santa Rosa pa dies aña largo di e simposio. Den presencia di sra. Nathalie Maduro
director di Departamento di Agricultura, Cria y Pesca y for di man di sr. Ursell
Arends minister di Transporte, Integridad, Naturalesa y Asuntonan di Adulto Mayor y
di cual Sector Primario ta resorta a hasi entrega di plakkaat di reconocimento na sra.
Astrid Britten director di Biblioteca Nacional Aruba. Na mes momento a yama sr.
Ronny Alders dilanti y for di man di minister sr. Ursell Arends a hasi entrega di
certificado di reconocimento como “Amigo di Santa Rosa”. Tur esaki pa nan aporte
birnda na Santa Rosa e ta kere fervientemente den Sector Primario di Aruba trahando
hunto pa realisacion di Sustainable Education Symposium.
Na nomber di sra. Nathalie Maduro director di Departaemnto di Agricultura,
Cria y Pesca y sr. Ursell Arends minister di Transporte, Integridad, Naturalesa y
Asuntonan di Adulto Mayor ta felicita sra Astrid Britten y sr. Ronny Alders cu nan
reconocimento y ta spera di por sigui conta cu e mesun bon sosten di tanto aña pa
realisacion di Sustainable Education Symposium.
