Riba 10 di mei 2022 firmamentu ofisial a tuma lugá di e ‘Administrative Cooperation Agreement related to the Galileo Sensor Station (GSS) na Boneiro Hulanda Caribense , den Galileo Reference Centre na Noordwijk. Den e akuerdo di kolaborashon akí a stipulá palabrashonnan tokante ròl i responsabilidat, gastu i planifikashon pa realisashon di e GSS na Boneiru, entre ministerio di Infrastruktura i Maneho di Awa i European Union Agency for the Space Programme (EUSPA). Na nòmber di e ministerio a firma e direktor internashonal Peter Díez i na nòmber di EUSPA a firma e direktor di EUSPA Rodrigo da Costa. Via un konekshon online gezaghèber di Boneiru Edison Rijna a presensiá e akto ofisial akí. El a gradisí ámbos organisashon pa nan aporte. A hasi eskoho pa Boneiru i e lo duna su sosten kompleto pa e proyekto akí. Ku firmamentu di e akuerdo di kolaborashon akí a duna e ‘kick-off’ formal tambe pa realisashon di e GSS na Boneiru, ku na kuminsamentu di 2024 mester ta operashonal.
