Recientemente Minister Endy Croes a bishita Gihae Gymnastics Aruba cu tabatin nan ‘student showcase’ cu e tema di Encanto. E ‘student showcase’ a tuma luga na Centro Deportivo Libertador Betico Croes. Gihae Gymnastics tin alumnonan cu ta cuminsa cu 2 aña di edad te cu grupo di seleccion di Aruba hubenil y adulto tambe ta forma parti di e scol. Durante e mainta ameno tabatin diferente presentacionan di e gruponan di baby kangaroo, mini kangaroo, kangaroo Gihae B y tambe tur e gruponan competitivo Gihae Mini, Gihae Junior Gihae A y tambe di seleccion di Aruba. Minister Endy Croes ta gradici pe invitacion alabes ta felicita Gilhae Gymnastics specialmente e muchanan cu e bunita presentacionnan. Finalisando e mandatario a expresa cu e tabata un mainta encantador.
