Featured Politica

Minister Rocco Tjon: A reuni cu Minister di Desaroyo Social di Sint Maarten den cuadro di e tematica di salud mental y adiccion


Recientemente Minster di Husticia y Asuntonan Social Sr. Rocco Tjon a reuni cu Minister di Salud Publico, Desaroyo Social y Labor Sr. Omar Ottley, kende a bishita e facilidad di SPD pa haya un splicacion di e departamento mes, di con ta atende cu diferente retonan riba e tereno di salud mental como tambe e parti di adiccion.

Segun minister Tjon, den un cierto sentido e ta algo bon pa scucha cu practicamente tur pais ta wordo confronta cu e mesun retonan, y loke ta haci esaki algo bon ta, cu e ta crea un oportunidad pa nos por colabora mas cu otro, pa asina hunto nos surpasa e retonan aki. Mayoria pais ta wordo confronta cu e mesun retonan riba tereno legislativo, pero tambe riba e parti di financiamento ora ta trata e tematica di salud mental y adiccion, y tambe e parti di educacion. Esakinan ta e topiconan cu a wordo discuti pero tambe a duna un splicacion di con Aruba ta atende cu e retonan aki, y di parti di Sint Maarten tambe a haya un splicacion amplio. 

E mandatario a expresa cu algo hopi positivo ta cu ya caba tin diferente protocol y MOU cu a wordo firma den reino, caminda e departamentonan en cuestion ta traha hunto. Banda di esaki, a haci palabracionnan concreto pa asina e dos ministerionan aki bay colabora mas di serca cu otro ora ta trata e parti di asuntonan social, pero tambe e parti di salud mental y adiccion. 

Por ultimo, minister Tjon a expresa cu e ta wak bek riba un reunion hopi fructifero, caminda a palabra tambe cu pronto lo bay aserca colega Minister di Desaroyo Social di Curacao Sra. Ruthmilda Larmonie-Cecilia, kende recientemente tawata na Aruba tambe, pa asina crea un colaboracion entre e tres ministerionan den reino encarga cu e parti di Asunto y Desaroyo Social

Related posts

Cabesante di Laura Wernet School ta sumamente contento cu e proyecto di Leerorkest

EA News Author

Minister Glenbert Croes: Enseñansa pa Empleo aceptando inscripcion pa diferente cursonan

EA News Author

Minister di enseñansa y deporte Endy Croes a elabora riba varios inkietudnan cu a keda soluciona

EA News Author

Leave a Comment