Entre Aruba , Boneiro y Korsou , Boneiro ta e prome pais cu lo haya e Tropical Storm aki. Boneiro for di ayera ta prepara y a avisa di algun regla cu nan a anuncia oficialmente. E peticion a keda pa tur hende keda cas y tambe a prepara lugarnan cu hende por uza y sconde si acaso nan haya un situacion cu nan mester sali di nan cas.
Tambe botonan mester a keda saca for di lama. Tur scol na Boneiro ta cera y ta haci e peticion pa tur hende keda paden y si tin un bisiña cu tin problema si por dune un man pa e por sconde haci esaki. Cada hende na Boneiro ta responsabel pa saco di santo pa tapa pa awa.
Tur pompstation lo ta habri parti mainta pero ta cera despues parti atardi. Ya caba awa a cuminsa cay fuerte na Boneiro. Gezaghebber di Boneiro ta haci peticion na pueblo di Boneiro pa nan ta prepara y keda paden. Cualkier situacion yama pa haya ayudo na esnan profecional cu traha lo yega pa duna e ayudo.
E suplica ta pa tur hende cuida nan mes y no bay pone nan mes na peliger, pa gobierno di Aruba cada bida ta conta y tambe e bestianan. Aeropuerto te ainda no ta cera, pero gerencia di BIA lo dicidi riba esaki. Sinembargo awe nochi avion di KLM y Tui lo mester yega Boneiro , pero ta BIA lo tuma e decision y lo mester cuminsa tuma decisionan internacional cu e esakinan. Tampoco no ta recomenda yun hende pa bay lama.
