Avion di Air Antilles ta dal den un helicopter na St. Barthelemy na su bahada

Awe den oranan di  mainta durante un aterisahe di un avion twin-otter di Air Antilles riba e pista di aeropuerto Rémy-de-Haenen na St. Barth a tuma luga un accidente.

Afortunadamente no tin victima cu a sufri algo serio.

E avion di Air Antilles a baha riba e pista di St. Barth Airport y a dal den un helicopter cu tabata para. Tin Seis persona cu tabata den e avion cu a keda bon y  uno a herida leve

Segun e Servicio Departamental di Incendio y Rescate di San Bartolomé, ta duna di conoce cu 7 persona tabata envolvi den e accidente, entre nan un hende muhe cu a haya un herida leve.

E aeropuerto a cera su operacionnan mesora, te na e momentonan aki a indica cu no tabatin ningun hende den e helicopter na e momentonan ey.

Na e momento aki no sa ainda kico a conduci e accidente, pero un investigacion lo wordo haci pa e Dgerencia  General di Aviacion Civil (DGAC) pa determina kico por a pasa y con e avion  por a dal den e  helicopter.

E incidente a tuma luga na 11:42 di mainta riba vuelo 3S722 for di Pointe-à-Pitre pa St. Barth. E avion ta un Twin DHC6 registrá F-OMYS.  Na e momentonan aki, segun e capitan di e avion, seis pasahero y dos miembro di tripulacion tabata abordo di e vuelo aki. Foto: RCI Guadeloupe