Tres sitio di St. Maarten awor ta den e registro di patrimonio maritimo Hulandes

cooperacion entre e organisacion Hulandes di  patrimonio cultural RCE y  E SENTRO Arkeologico simarc di St. Maarten a resulta den e inclusion di tres luga local den e registro oficial di luga di patrimonio maritimo Hulandes.

Segun e website di RCE, MaSS, un acronimo di Maritime Stepping Stones, ta un base di data online den cua ta mapa locacion nan y storianan di patrimonio maritimo y ta bira accesibel pa un audiencia amplio. MaSS ta duna un bista general di e naufragionan Hulandes, pero tambe ta destaca otro sitionan cu ta importante pa arkeologia marino como disciplina.

E tres sitionan cu a keda registra den e lista di St. Maarten ta e saliñanan Great Salt Pond, E Original Simpson Bay Bridge y Man-O-War Bank y su naufragianan asocia, manera Proselyte y Jason.

E tres sitionan patrimonial aki a wordo propone pa motibo di nan superposicion unico entre e espacio marino y e espacio cultural di e habitantenan di e isla, poniendo un brug entre e personanan riba tera y nan conexionnan cu e mar”, SIMARC a bisa den un comunicado di prensa ayera.

Tur tres luga ta e prome locacionnan  di St. Maarten cu ta wordo enumera den e base di datos di MaSS. Si compara St Eustatius tin 14 sitio registra y Saba tin 12. Den Caribe Hulandes, Solamente Aruba tin menos sitio registra cu St. Maarten

E cooperacion entre RCE y SIMARC ta ” parte di e esfuersonan cu ta tumando luga pa sostene e ratificacion total di e partnernan di Reino di 2001 United Nations Organization for Education, Science and Culture. Convencion di unesco pa Proteccion di Patrimonio Cultural Subacuatico”, a indica den e comunicado di prensa.

For di 2020, e partinan interesa den Caribe Hulandes, Surinam y Hulanda a crea un grupo di trabou formal y a colabora pa e meta aki. Algun di e accionnan a inclui un video promocional tocante e importancia di ratifica e convencion di unesco, e inclusion di luga den e registro masivo y programanan educativo local.

Pa RCE, varios profesional di patrimonio maritimo ta organisando y apoya e esfuersonan aki. E ta inclui e eruditonan Leon Derksen, Martijn Manders, Sabine Waasdorp i Marieke van Ommeren.

E Director di  SIMARC, Dr. Jay Haviser, Y E Hefe di Departamento di Cultura, Clara Reyes, ta apoya Den nomber di St.Maarten.E otro islanan Caribense Hulandes  y Surinam tambe tin representantenan formal,y tur e partinan interesa ta reuni regularmente via Zoom.