Seleccion Nacional a biaha pa Cayman Islands

Un total di 8 hungado hunto cu miembronan di staf tecnico, team manager, kit manager, media officer y un miembro di directiva Sr. Jomar Boekhoudt a bay rumbo pa Cayman Islands. E demas hungadonan di nos Seleccion Nacional lo sali for di Hulanda pa asina nan topa otro na Charlotte, North Carolina pa sigi hunto rumbo Cayman Islands. Arubaanse Voetbal Bond a prepara e hobenan aki pa asina nan por bay duna un bon prestacion den exterior y pone e bala lora. Aruba ta orguyoso di boso y ta sigur cu e hungadonan lo representa Aruba dignamente na Cayman Islands.