Despues di un tremendo wega e team di SV Dakota a despedi di nan colega , amigo y keeper di team di futbol di Dakota. E hoben Gikay Croes a hunga pa Dakota den careda di 6 aña fiel na su team di Dakota y tabata hopi dedica na e organisacion unda cu tin hopi respet pe y e ta hopi keri pa full e team. E hoben Gikay Croes ta habri su halanan pa bay biba na Spaña unda cu e la haya un oportunidad di trabao pa asina e sigui crece den su bida personal hunto cu su famia. Despues di partido e organisacion completo di Dakota hunto cu tur e hungadonan a despedi di Gikay Croes unda cu e la ricibi tambe un regalo pa asina e recorda su team aunke cu e ta bay ta leu. Un danki na Gikay Croes di tur su añanan cu e la dedica na futbol di Aruba y su respet y dedicacion na e organisacion. Ta desea Gikay croes tur clase di exito na Spaña.
