Dia 6 di desember 2023 Tourism Corporation Bonaire (TCB) a risibí su kuenta anual firmá pa e aña ekonómiko 2022 for di akountent.
E kuenta anual akí ku ta kumpli ku normanan financiero i eksigensianan di ‘governance’, ta representá un logro importante pa TCB. Den kolaborashon estrecho ku e tim finansiero di TCB, entre otro Joannellian Trinidad – Empleado Finansiero Atministrativo, Marjolein Oleana – Business Manager & Europe Liaison i e tim di BDO, a sòru pa reprodusí tur proseso finansiero den un forma minusioso i transparente.
“Nos dedikashon kontinuo na maneho finansiero i responsabilisashon sólido semper tabata un prioridat prinsipal pa TCB. Nos ta enormemente orguyoso di por anunsiá ku awor akí tur nos asuntunan finansiero ta aktualisá i ku nan ta kuidadosamente prepará pa e aña binidero. Nos a entregá tambe un kopia di e deklarashonnan akí na nos akshonista apresiá, BHM, komo un testimonio di nos dedikashon na transparensia i maneho responsabel’, segun Miles Mercera, direktor di Tourism Corporation Bonaire.
TCB ta kontentu ku e finalisashon eksitoso di e kuenta anual 2022. Ku e kuenta anual kompletá di aña 2022, awor TCB ta wak padilanti den direkshon di futuro. TCB ta kla pará pa kuminsá ku e ouditorianan pa aña 2023 i nos ambishon ta pa kompletá e kuenta anual di aña 2023 na final di e promé kuartal di aña 2024.
