Cu un sentimento di gradicimento, Filomena College Mavo na San Nicolas ta cera e prome parti di aña escolar 2023. Apesar di tur loke cu educacion ta pasa aden, asina mes nos ta keda e scol positivo cu maestronan y personal cu ta haci nos best pa na forma creativo brinda e alumno, enseñansa di bon nivel.
Ultimo dia di scol tawata tin e celebracion di e temporada navideño den cual cada alumno a desea otro y nan maestronan un bon final di aña. E evento Taste of Christmas 2023 tawata un exito total, danki na nos maestro-, alumno, mayor- y nos bishitantenan. Cuminda di varios pais di Latino-America y mundo a ser presenta.
Tambe tawatin e misa di Pasco den misa Santa Theresita. Aki pastor Rafi a conta e nificacion y e storia tras dje pesebre.
Pa loke ta e spirit week, e aña aki un dje temanan tawata pa nos muchanan bisti na un trahe di Pasco. Aki nos alumnonan a luci nan creatividad pa cu e tema.
Cu aña 2024 trece cosnan bunita pa henter Aruba y sigur pa nos alumno y personal positivo.
Felis dia nan di fiesta pa Aruba henter ta nos deseo!
