E hobennan di Aruba LEO CLub cu ta pertenece na e organisacion di Aruba Lions Club cu pa mas cu 75 aña ta sirbiendo comunidad, ta guia e hobennan di LEO Club Aruba pa den futuro nan tambe tin e curazon pa hasi trabounan voluntario.
Diasabra dia 16 di December e muchanan a organisa nan cena di Pasco y aki a invita algun hobennan den comunidad cu por a compaña nan den esaki.
Algun hoben cu a wordo escohi den comunidad cu kizas no tin e oportunidad pa un dia celebra e Pasco cu un cena manera otronan.
Na e jegada di e muchanan, a encontra un Santa Claus caminda tur por a saka un potret promer cu e cena.
E atardi a cuminsa cu palabra di e presidente di Aruba LEO Club Alysha Roga y despues e muchanan por a sinta hunto pa come.
Un dushi cuminda prepara pa e mayornan di e miembronan mes, tur a sinta come y despues por a diverti cu diferente weganan na e Club di Aruba Lions caminda nan a goza y sigur hasi un dia cu nan lo recorda pa semper.
Na final di e anochi e muchanan a ricibi un pakete cu diferente producto pa come y bebe durante e dianan y tambe un regalito pa nan tambe por celebra un Pasco contento.
Bunita pa mira e sonrisa y alegria riba e cara di cada un di e muchanan aki.
Cu esaki tambe Aruba LEO Club ta sera aña 2023 deseando pueblo di Aruba feliz dianan di fiesta y ta spera cu por conta cu e sosten den 2024 pa sigui juda den comunidad.
