Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
E diferente instancianan na Aruba desde e momento ey, a cuminsa prepara pa habri e frontera aereo y ta spera cu den prome kwartaal di 2024 lo por duna un indicacion ki dia e frontera aereo lo habri.
E reunionnan ta tumando luga caba, pa por sigura un reapertura sigur y na forma responsabel. Mientras tanto e ciere di frontera a wordo prolonga cu 3 luna mas entrante 23 di januari 2024, pa por finalisa e preparacionnan.