Dia promé di yanüari 2024, Hulanda Karibense tabatin 30.397 abitante. Loke ta 979 (3
porshento) mas ku un aña anterior. Pa gran parti, e motibu pa e oumento ta ku e
poblashon di Boneiru a krese, prinsipalmente dor di migrashon. Na Saba tambe e
kantidat di abitante a oumentá dor di un sùrplùs di establesimentu. Sin embargo, na Sint
Eustatius hustamente por a papia di un eskases di establesimentu. Asina CBS ta mèldu
a base di sifranan nobo.
Poblashon Boneiru na 2023 a krese ku mas ku 1.000 persona
Boneiru tabatin 25.133 abitante dia promé di yanüari 2024, 1.043 mas (4 porshento) ku
un aña anterior. E motibu pa esaki tabata prinsipalmente dor ku tabatin muchu mas
hende ku a bai biba na Boneiru ku hende ku a bai for di e isla (941), i te na un kantidat
limitá dor di kresementu natural (98, e kantidat di hende ku a nase ménos e kantidat di
hende ku a fayesé). E kantidat di hende na Boneiru ku a nase pafó di Hulanda
Karibense a krese ku mas ku 1.000 persona. E motibu pa esei tabata prinsipalmente ku
tabatin mas hende bibá ei ku a nase na Repúblika Dominikana, Colombia, Venezuela, i
Hulanda Oropeo.
Oumento poblashon Hulanda Karibense na 2023 ku kasi mil persona
