Kòrsou, 12 di ougùstùs 2024
RDK SU MANEHO MESTER TA NA INTERES DI PUEBLO
Nos di MAN-PIN a tuma nota di e komunikado di Global Oil dia 7 di ougùstus 2024, pa redusí e
tarifa pa suministro di koriente di e turbinanan di gas ku 30% pa Aqualectra. Esaki ta resultado di
preshon públiko despues ku a bira konosí ku e tarifa ku Global Oil ta kobra Aqualectra lo a sòru
pa un oumento di preis di koriente.
MAN-PIN huntu ku sindikatonan i otronan a kuestioná e kontrakt ku Refineria di Kòrsou (RdK) a
sera ku Global Oil ku ta duna tur indikashon ku banda e negoshi di Global Oil no ta produkshon
di asfalt so, si no bende koriente na pueblo di Kòrsou usando propiedat di pueblo. E negoshi aki
ta kousa un oumento drástiko di tarifa di preis di koriente, ku otro palabra ta kousa un oumento
di kosto di bida pa tur hende i un oumento di e “cost of doing business” pa negoshinan.
Esaki ta algu inaseptabel pa MAN-PIN pasombra RdK (gobièrnu) no a salbaguardiá interes
general di pais. Promé minister al final a deklará ku RdK no a negoshá bon pa loke ta e
turbinanan di gas aki ku ta suministrá koriente na Aqualectra.
Bisando esaki promé minister Pisas ta atmití ku direktor di RdK, sr. Newton i su tim, ku ta haña
pago pa salbaguardiá propiedat di pueblo, a faya. Esaki ta nifiká ku un hende mester para
responsabel pa e debakel aki.
Si analisá e korespondensia di 25 yüli 2024 di RdK ku number di referensia 2024-07251, por
konkluí un bahia mas, meskos ku den e debakel di CPR, ku sr. Newton tin e tendensia pa
salbaguardiá interes di tersera riba interes nashonal. Nos ta sita sr. Newton, direktor di RdK i
firmante di e karta aki: “Met toepassing van het financiële kader voor de samenwerking van
partijen is het REDELIJK om de door Global gevraagde kostenvergoedingen te honoreren.” Den
reakshon riba e korespondensia di Aqualectra di dia 26.07.2025/2024-39775 ta bisa mas aleu:
“RDK adviseert om de gevraagde vergoeding van Global Oil te honoreren.”
Konforme artíkulo 96 di reglamento di orden Frakshon di MAN a hasi e siguiente pregunta pa
Gobièrnu:
1. Komo minister ku ta representá e akshonista, minister presidente ta di akuerdo ku e
maneho aki?
2. Si minister no ta si akuerdo, kiko e minister ku ta representá e akshonista i ku tin ku
kuida propiedat di pueblo, ta bai hasi algu pa salbaguardia interes di pueblo ?
RDK su maneho mester ta na interes di pueblo
