Lider di partido RAIZ Ursel Arends ta un gañado grandi , e mes un operacion di gañamento por a tuma nota di dje den parlamento tanto na e parlamentario Misha Raymond y Raymond Kamperveen.
Na salida di Minister demisionario Ursel Arends ta duna di conoce cu e kier clarifica loke na nonsence, segun e mandatario demisionario loke cu ta ser bisa pafo cu RAIZ a forma un pacto cu oposicion pa asina por a vota pa tin e presidente di parlamento awe.
Segun Minister demisionario Ursel Arends ta indica cu ya caba tin algun dia e reunionnan ta tumando luga , dia 8 di september den oranan di atardi a sinta cu lider di MEP y a dialoga y a keda palabra cu lo yama y avisa si nan lo bini cu un otro candidato di cual nan lo garantisa e sosten di e fraccion di RAIZ.
Segun Minister demisionario Ursel Arends asina nan a keda warda riba e yamada pa haya sa e nomber si nan ta ricibi e sosten. Sinembargo Arends ta indica den oranan di atardi cu e la bay gobernador e no a ricibi ningun yamada. E palabracion ta cu si no haya e yamada e decision ta cu lo sostene Raymond Kamperveen com presidente di parlamento.
Segun lider i RAIZ ta indica cu ningun momento fraccion di RAIZ a pidi ningun oposicion pa vota pa Raymond Kamperveen, ya caba den pasado oposicion a vota den su totalidad pa Raymond Kamperveen y loke cu a pasa no ta nada fuera de lo comun. Como Plataforma RAIZ na e momentonan aki tin dos minister demisionario cu lo forma parti di Minister Raad ainda y tambe tin presidente di parlamento unda cu Aruba por ta sigur cu na ningun momento lo permiti pa Aruba bira inmanehabel. No ta paso gobierno ta demisionario lo permiti pa wega politico tuma luga den Minister raad y of den parlamento.
Despues cu a anuncia cu gabinete Wever Croes ll no lo continua mas a mira un cantidad di atake di coleganan di conseho di minister unda cu no ta kere cu ta na su luga. Minister demisionario Ursel Arends ta indica cu no a haya e nomber nobo pa sostene y a anuncia caba publicamente cu lo sostene Raymond Kamperveen si MEP no cambia Edgar Vrolijk como presidente di parlamento.