Aruba ta den pleno eleccion y den e caso aki eleccion ta trece diferente storianan y insinuacionnan falso , pa core rond y pa mustra cu esaki ta e caso. Sinembargo mirando e documento riba corupcion den Eagle LNG cu a keda plama rond y cu ta ilustra cu prome minister ta den cosnan straño, nada no ta cuadra cu berdad. Na mes momento por a compronde cu Anselmo Pontilius ta lamenta e tipo di politica nan aki cu ta uza nomber di hende pa trece un situacion padilanti cu no ta cuadra cu berdad y pa es motibo aki mes Anselmo Pontilius a pidi un reunion cu prome minister y tambe minister di husticia pa clarifica cu riba loke cu a keda publico awe riba keho entrega na ministerio publico contra di e mandatario riba Eagle LNG no ta berdad.
Na mes momento tambe Anselmo Pontilius ta lamenta cu a bin un reaccion di prome minister unda cu lo bay entrega un keho sin cu a tuma contacto pa verifica si loke a ser publica ta berdad. Pesey mes e yamada ta pa reunion cu tanto prome minister Evelyn Wever Croes y Minister di Husticia Rocco Tjon riba e echo aki pa asina clarifica riba un supuesto keho penal cu a keda entrega door di su persona.
E documento cu a keda manda pa diferente medionan no ta un documento di Armand Hessels y tampoco no ta un documento cu a Sali di Anselmo Pontilius di Stichting Deudelijk Bestuur.
E acto aki di a traha un documento falso y manda prensa ta condenabel di trata cu malicia pa fomenta un storia y of un situacion cu no ta cuadra cu berdad y poniendo personanan inocente den un situacion fastioso cu mandatarionan di Aruba.
Aki por mira cu opositornan ta desespera y kier sigui trata di un forma of otro tras di cortina continua cu maldad.