Den e siman cu a pasa, Aruba Conservation Foundation a bini hunto pa celebra su empleadonan y felicita nan pa a biba e compromiso di hunto proteha, preserva, y restaura Aruba su naturalesa y tambe celebra e trabou duro cu a bin ta haci pa informa y educa nos comunidad, studiantenan,bishitantenan local y internacional riba e importancia di conserva naturalesa di Aruba pa e bienestar di naturalesa riba su mes y e ser humano.
Den un ambiente ameno y festivo, e empleadonan di ACF, stagiaire y boluntarionanvast a binihunto na Piedra Plat Entertainment Center pa disfruta di un anochi yena cu ambiente, musica di gaita, DJ y un buffet amplio. Empleadonan a bay cas cu nan basket di fin di aña y cu diferente premionan pa goza di dje.
Director General di Aruba Conservation Foundation, Tyson Lopez, kier gradici henter e team di ACF pa nan pasion y dedicacion pa cu e conservacion di nos naturalesa. “Traha pa naturalesa no ta un trabou facil, e ta trece hopi reto, pero nos ta agradecido na tur nos empleadonan cu tur dia ta bin trabou cu animo y compromiso pa traha den naturalesa y duna un experiencia bunita y educacional na nos bishitantenan. Di curason, danki.”
