Tin oportunidat pa tres hòben ku ta aspirá traha den periodismo di HAVO, VWO òf HBO, pa
partisipá grátis den Media Pressure Cooker Marathon. Durante e evenemento úniko aki lo reta periodistanan pa kolaborá ku otro i ku mira riba e elekshon ku lo tuma lugá riba dia 21 di mart, duna forma na e promé debate entre kabesantenan di lista di e partidonan polítiko ku lo partisipá. E ta tuma lugá entre Entrante 31 di yanüari te ku 2 di febrüari i ta dediká na personanan ku ta laborá den medionan di komunikashon di Kòrsou. E evenemento ta keda organisá dor di RE-Quest, riba petishon di Fundashon Kòrsou Transparente.
Kiko bo por spera?
Un programa intensivo i inspirativo di tres dia kaminda lo tuma lugá seshonnan di trabou, entrenamentu i transmishon bibu i direkto, bou di guia di entrenadónan renombrá, entre otro Jeroen Pauw, Stanley Bodok i Glenn Thodé. Partisipantenan lo fortifiká nan abilidatnan i lo krea un produkto di periodismo konkreto. Riba djadumingu dia 2 di febrüari nan lo presentá un transmishon bibu i direkto na públiko en grande.
Propósito di e proyekto aki ta pa empoderá periodismo na Kòrsou, ku enfoke riba integridat, elekshon i konsientisashon bou di komunidat. Enfoke riba integridat i lucha kontra korupshon
E temanan sentral durante e debate entre kabesantenan di partidonan polítiko lo ta integridat i e lucha kontra korupshon. Alabes lo trata tópikonan ku según públiko ta relevante, entre otro e situashon di pobresa, enseñansa i salubridat. Periodistanan ku lo partisipá, lo krea un produkto final durante seshonnan di trabou i entrenamentu intensivo, bou di guia di e siguiente entrenadónan renombrá:
- Stanley Bodok: Workshop relatá na kontròl i nuansa den nos estado di derecho, ku enfoke prinsipal riba elekshon. Tópikonan ta entre otro transparensha pa loke ta trata finansiamentu di partido polítiko i transparensha den historial di kandidato.
- Jeroen Pauw: Entrenamentu di téknika pa entrevistá, liderá debate i kreashon di formato enfoká riba oportunidat pa haña reakshonnan outéntiko seka lidernan polítiko.
- Glenn Thodé: Seshon tokante dilemanan den mundu di periodismo i eksperensianan diario durante
periodo di elekshon, entre otro mantené posishon independiente versus entrada prosedente di aviso, konflikto di interes òf muestra di esaki dor di konekshon personal i e impakto di preshon polítiko i intimidashon.
Fortalesé kapasidat pa sigurá periodismo independiente
Fundashon Kòrsou Transparente ta un organisashon dediká na elevá konsientisashon pa loke ta trata e efektonan negativo ku por resultá dor di korupshon i komportashon ku no ta integro. E proyekto aki ta empoderá medionan di prensa na Kòrsou den nan afan pa sigui fortalesé nan ròl independiente na momentu ku mester hasi pregunta krítiko i den nan posishon pa promové un politika transparente.
Evento final: transmishon di debate di elekshon bibu i direkto
Lo klousurá e ‘Media Pressure Cooker Marathon’ ku un transmishon bibu i direkto, kaminda tur lider di partido polítiko lo keda entrevistá tokante e temanan polítiko prinsipal, i durante esaki lo enfoká riba e lucha kontra korupshon i integridat. Asina lo krea un oportunidat úniko pa tene e partidonan polítiko responsabel i stimulá transparensha durante e kampaña di elekshon.
Informashon importante
- Lokashon: The Triangle, Hoogstraat 18-22, Otrobanda, Kòrsou
- Kosto: Grátis (inkluso konsumo)
- Idioma: Papiamentu, Hulandes, Ingles (kombinashon)
- Partisipantenan: Periodista (espasio pa 20 persona) + 3 espasio pa talentonan hóben
Programa
Djabièrnè 31 di yanüari
- 17:00–21:00: Entrenamentu: Intro & Checks & Balances: Transparency in Elections – Stanley Bodok
Djasabra 1 di febrüari
- 09:00–13:00: Teamwork: Editorial Meeting & On the Road 1
- 13:00–14:00: Lunch
- 14:00–18:00: Entrenamentu: Election Debate Interview Techniques – Jeroen Pauw
Djadumingu 2 di febrüari
- 09:00–13:00: Entrenamentu: Elections & Journalism Dilemmas – Glenn Thodé
- 13:00–14:00: Lunch
- 14:00–18:00: Entrenamentu: Editorial Meeting & On the Road 2
- 18:00–19:00: Sena
- 19:00–22:00: Transmishon bibu di debate entre kabesantenan di partidonan polítiko + Momentu
Konhunto agradabel na final
Bo ta interesá?
Pa apliká bo mester manda bo CV i un karta di motivashon (no mas largu ku un página) pa curacaomdp@gmail.com
promé ku promé ku 26 di yanüari 2025. Bo ta risibí un komprobante riba 27 di yanüari.