Djárason 12 di febrüari 2025 tin e evento ‘Anochi Ku Luna Yen’ di 19:00 or – 21:00 or
na Kabuya Ranch, Rincon, ku e tema ‘Bahia di Lac.’
‘Anochi ku Luna Yen’ ta un evento ku entre otro deklamashon di poesia, kontamentu di kuenta den
lus di luna. E ta un un evento sosial di pueblo i pa pueblo, pues un i tur ta kordialmente bonbiní. Ta
un di e aktividatnan ku Sekshon di Kultura, Arte i Literatura, SKAL, tin den su agènda kultural.
Hende di Rincon òf Playa ku tin mester di transporte, por hasi uso di un bùs ku ta sali for di Playa
18:00 or. E bùs akí ta bai Rincon promé pa buska hende aya i ta sali despues pa Kabuya Ranch.
Ta pidi tur esnan ku ke hasi uso di e servisio di bùs, pa reservá na tempu na SKAL òf yama +599
715 5323. Asina nos por sa kuantu hende mester di transporte.
Manera semper, ta keda liber na kada bishitante pa trese algu di boka dushi pa kompartí ku otro
bishitante. Ta supliká tur hende bini ku nan propio stul. No balotá bo talento i bin demostrá ku bo
por. Nos ta apresiá i respetá tur presentashon pero tin sierto regla sí. Nos no ta tolerá palabra
bulgar, politikeria, atake personal i tur otro kos ku no ta kuadra ku meta di e evento.
Anochi ku Luna Yen ta un inisiativa ku a nase den pasado for di algun siudadano ku gran pashon
pa nos idioma papiamentu. SKAL ta keda pone énfasis ku meta prinsipal di e evento ta pa stimulá
otro pa skirbi, deklamá, konta kuenta, kanta òf presentá obranan kòrtiku na papiamentu.