For di 21 te cu 29 di juli 2026 dos inspector di Direktorado di Supervision i Manten cuestion di Ley di Entidad Publico Boneiru a haci un bishita di trabou na Sint Eustatius. Conhuntamente cu algun inspector di Sint Eustatius nan a ehecuta varios inspeccion i nan a comparti conocemento i expertisio. Di e manera aki e islanan BES ta traha huntu riba un ehecucion fuerte, profesional i resiliente pa futuro di supervision i manten cuestion di ley.
Durante e siman di inspeccion e inspectornan conhuntamente a ehecuta control na entre otro diferente supermercado, pomp di gasolin i localidad di carga. Nan a controla entre otro seguridad di cuminda, midimento corheto i cumplimento cu ley i regla. Pa medio di e colaboracion nan por a haci mas control i nan por a duna mihor sosten na empresanan pa loke ta trata cumplimento cu regla.
Banda di e control, e inspectornan a intercambia experiencia i nan a siña di otro su sistema di traha. Di e manera aki e calidad di supervision i manten cuestion di ley na islanan BES ta keda fortifica mas aleu, i e islanan mas i mas ta traha segun e mesun sistema.
Direktorado di Supervision i Manten cuestion di Ley ta gradici e coleganan di Sint Eustatius pa e manera caluroso cu a ricibi nan i e colaboracion plasentero. Desaroyo personal i profesional di e empleadonan den Direktorado di Supervision i Manten cuestion di Ley ta importante. Pa e motibo aki activamente ta stima e empleadonan pa desaroya nan conocemento, abilidadnan i experiencia mas aleu.
Colaboracion i intercambio di conocemento cu coleganan na e otro islanan BES ta contribui na esaki. E siman di inspeccion conhunto aki ta sigui construi riba e bunita fundeshi aki pa mas colaboracion den futuro entre Boneiru, Sint Eustatius i Saba.
