Ehersisio di ehérsito na Boneiru i Gezaghèber Oleana ta sera konosí ku mayor duursma

Na Boneiru, for di 26 di mei te ku 2 di yüni, ta tuma lugá un ehersisio di e di 42 kompania di ehérsito den kuadro di mantenshon di e disposishon operashonal. E unidat akí ta stashoná na Kòrsou i ta ehersé trabou tambe na benefisio di proyektonan di karidat.

Meta di e ehersisio na Boneiru ta pa sera konosí ku Boneiru su alrededor i traha huntu ku outoridatnan lokal i/òf servisionan di ousilio. Riba programa tin tambe un momentu pa kapitan Milan Zolak (planifikadó di e kuartel general) i mayor Arthur Duursma sera konosí personalmente ku gezaghèber interino Reynold (Nolly) Oleana.

Durante e ehersisio nan ta usa e pista di aterisahe bieu den serkania di Rincon komo ubikashon di kamper. Banda di esei e unidat ta entrená na e sitionan ku ta konosí pa nan na Boneiru. E unidat ta haña informashon ekstenso i kuidadoso, siguiendo e eksperensianan di ehersisionan anterior. Entre otro e ehersisio di e unidat di eksplorashon den luna di ougùstùs 2022 ku tabata den signo di inventarisashon di karakterístikanan di nos isla ku ta relevante den kaso di prevenshon i kombatimentu di eventual kalamidat.