Boneiro su tradicionnan ta fuerte, tur aña despues di tiro mascarada ta bishita Gezaghebber di Boneiro y di e manera aki nan ta trece nan mensahe na Gezaghebber di Boneiro. E ta un tradicion Boneriano unda cu mascarada ta bishita gezaghebber prome. Segun gezaghebber tanten cu a ta na bida e lo keda apoya y aprecia e cultura y e tey pa scucha tur e mensahe nan cu kier trece atrabes di mascarada. Pa por compronde kico ta e celebracion di mascarada despues di tiru di aña nobo na Boneiro , esaki ta mes un cos porehempel cu Aruba ta canta su dande na fin di aña y duna su bendicion. Na Corsou ta toca e tampu unda cu nan ta trece na mal contento cu a pasa den henter aña y trece esaki padilanti den un manera di arte pa e mandatario di mas halto na e pais. Despues cu mascaradanan bishita gezaghebber nan ta haya peticion unda cu nan ta bishita diferente cas rond di Boneiro y ta toca riba bari, baila y trece nan mensahe di e puntonan di preocupacion cu nan kier pa haya oido.
Mascarada a bishita Gezaghebber Edison Rijna y a trece nan mensahe
