Hues di Prome Instancia a dicta su Hues ta condena dos sospechoso den investigacion “Jasmine”
Casi 239.000 florin cu a drenta via proyectonan di gobierno duna na forma fraudulento na un compania di e ex-hefe di gabinete di VROMI, Marisha Richardson, y su pareha Jeffrey Bremer, despues a wordo saca na placa coriente (cash) of manda pa di dos persona. Un sentencia nobo den e investigacion di corupcepcion “Jasmine” ta mustra asina con e fraude di oferta riba Sint Maarten tabatin un banda financiero: despues cu e placa a drenta riba e cuenta di compania, el a wordo converti y reparti.
sentencia den e casonan penal contra M.R. y J.E.B., e ultimo sospechosonan den e investigacion conoci como “Jasmine”. Tur dos sospechoso a keda condena pa co-perpetracion di fraude y labamento di placa (money laundering). M.R. a keda condena tambe pa abuso di posicion/funcionarismo.
M.R., un funcionario publico, a keda condena na un pena di prizon di 16 luna, di cual 6 luna ta suspendi, cu un periodo di prueba di dos aña. Tambe a retira su derecho di por fungi como funcionario publico pa un periodo di cinco aña.
J.E.B. a keda condena na 240 ora di trabou comunitario y un pena di prizon suspendi di 6 luna, cu un periodo di prueba di dos aña.
E hues a impone penanan mas abou cu esnan cu Ministerio Publico a exigi, en parte pasobra e proceso hudicial a dura mas cu e tempo rasonabel stipula.
Irregularidad den proyectonan di Gobierno
E casonan tabata trata di irregularidad den e otorgamento y ehecucion di diferente proyecto di gobierno despues di horcan Irma. Den e tempo ey, M.R. tabata Hefe di Gabinete na Ministerio di Vivienda Publico, Ordenamento Teritorial, Medio Ambiente y Infraestructura (VROMI). E tabatin tambe un interes di 50% den e compania na cual a otorga e proyectonan. J.E.B. tabatin e otro mitar di e accionnan den e mesun compania.
E proyectonan tabata concerni:
• Brùg Prins Bernhard
• Repuracion di barera y reil na canto di caminda
• Un cancha di basketball
• Reparacion di emergencia na Brùg Keys na Sucker Garden
Falsificacion y procedimiento falso
E hues a constata cu e sospechosonan, hunto cu otronan, a crea un imagen falso di proceduranan di oferta competitivo. Esaki tabata inclui uso di cotisacion falsifica pa haci’l pareu cu varios compania a duna oferta. Despues di esaki, a duna e proyectonan na e compania cu M.R. y J.E.B. tabatin hunto.
E casonan contra M.R. y J.E.B. tabata forma parti di e investigacion mas amplio “Jasmine” tocante irregularidad rond di otorgamento di permiso y compra publico. Riba 26 di maart 2026, Hues a dicta sentencia caba contra tres otro sospechoso den e mesun investigacion.
E investigacion “Jasmine” a wordo ehecuta pa Recherche Nacional di Sint Maarten (LrSXM) y e Ekipo di Cooperacion di Reino (RST), bou di direccion di Ministerio Publico.
Kico caso “Jasimne”por nifica cu politiconany ambtenaanan na Aruba por tuma como ehempel pa tene cuenta cu ne?