Curacao

SER ta emití konseho riba asistensia sosial

Ser

Konseho Sosial Ekonómiko (SER) a entregá awe, djamars 18 di ougùstùs, na Minister di Desaroyo Sosial, Labor i Bienestar (SOAW), sra. Charetti America-Francisca, su konseho tokante e kambio proponé den e ordenansa di ayudo sosial.

E konseho ta trata dos konsepto di regulashon ku ta direktamente relashoná ku otro: un proyekto di ordenansa nashonal pa kambia e Ordenansa Insular pa Otorgamentu di Ayudo Sosial 2008( Lei di Onderstant), i un konsepto di un dekreto nashonal ku medidanan general pa ehekutá artíkulo 14, insiso 3, dje ordenansa ei.

SER a risibí ámbos petishon pa konseho riba 23 di yüni último. Despues, e hunta a evaluá e dos konseptonan for di perspektiva hurídiko, sosioekonómiko, finansiero i di ehekushon. Komo parti di e trayekto di konseho, Minister di SOAW a duna un splikashon durante un reunion preparatorio ekstraordinario di SER riba 7 di ougùstùs. Despues di esaki, el a kontestá preguntanan di e miembronan di SER.

SER a ratifiká e konseho riba 14 di ougùstùs durante un reunion plenario ekstraordinario. Ku entrega dje konseho riba 18 di ougùstùs, e trayekto formal di konseho di SER a yega na su fin. E siguiente tratamentu i toma di desishon tokante e dos konseptonan ta kompetensia di Gobièrnu.

Related posts

Na Corsou Politica: Ex Premier y miembro di Parlamento Suzy Camelia-Romer ta cuestiona Pik Pisas

EA News Author

Binti agente nobo pa Wardakosta Karibe Hulandes

EA News Author

Gobernador di Kòrsou a tene konsulta ku Raad van Advies

EA News Author

Leave a Comment

Whatsapp Message