Diahuebs ultimo dia 13 di maart pa 5or y mey Clarette Quandus ta presenta su obra ‘Tradicion di
fin di aña’ na biblioteca na Oranjestad.
E publicacion ta tocante historia di San Juan y Dande di Savaneta di antepasado di famia di
d.f.m Eloy y d.f.m Mario Koolman. E ta inclui historia di Anna Maria Noguera, Shon Pipi
Koolman y Yendi Koolman y por ultimo ta haci un dedicacion na Eloy y Mario d.f.m y famia cu a
sigui cu e tradicion.
E produccion a bay mas miho cu conseho y revision di Sr. Mirto Lacle y historiado Dufi Kock.
Sr. Kock a contribui cu potretnan tambe. Revision y coreccion di idioma Papiamento tawata den
man di sra. Rubia Bernabela y sra. Joyce Pereira. Diseño di e kaft dilanti y layout ta den man di
sra. Venny Trinidad y imprenta ta Interprint N.V.
Clarette Quandus a publica ‘ Amor y fe’ na 2023, ‘Kibrando e silencio’ na 2011, ‘Elegante poeta’
na 2019. Na 1998 ‘Mi Aruba, mi prohimo, mi inspiracion’ a keda publica. Clarette Quandus a
participa varios biaha na ‘Poeta di Patria’. Bo ta bon bini na e presentacion aki.
