Corsou a vota y democracia a prevalece, diabierna den oranan di anochi e anuncia riba e asientonan cu e partidonan a ricibi y diadomingo a saca e votonan individual. E parti aki tambe tabatin varios sorpresa cu a pueblo di Corsou a vota pe. Pa loke ta trata e tres candidatonan riba e lista riba e partido ganado tabata un sorpresa.
Partido MFK Lider Gilmar Pisas cu 11583 voto, Javier Silvana 18264 voto y Charles Cooper cu 3194 voto. Na Corsou e temporada di campaña a bay trankilo no ta mira hopi actividad riba caya y no ta mira e rabia contra otro y of ofensa contra otro manera na Aruba nos ta custumbra cu ne. E sistema di eleccion na Corsou completamente diferente tin bandera y borchinan riba caminda nan strategico dus esta rotonde y of palo di luz y caminda grandi , dus riba caminda publico pa e mensahenan yega na tur esunnan cu mester haya esaki ora di pasa riba e careteranan, pero no ta mira e fanfaria di bandera y borchinan na cas di hende, e fanaticonan si ta haci esaki , pero e comunidad mes den su totalidad no.
Tambe loke ta resalta hopi na cada evento cu tin aunke e ciudadano ta bisti na t shirt di otro partido e ta keda bon trata na e otro cede cu ta contrincante di su partido, tambe autonan di otro partido ta bin na fiestanan di otro partido aunke cu no ta nan partido, pero e union humano ta keda y asina Corsou a celebra democracia unda cu e comunidad ta respeta otro y ta gosa cu otro ki color politico nan ta. Un parti sigur cu Aruba mester siña hopi di dje ta respeta otro. Despues di eleccion tampoco no tabatin mucho tildamento y bentamento di palabra, pero ta sinti un Corsou ta satisfecho cu e resultado y eleccion a pasa y bida ta sigui y a sigui wak padilanti. Un bunita experiencia di e comunidad y hendenan dushi di Corsou.