FeaturedLocal

Sra. Esther Emerencia-Gomes nombra como Director nobo pa Post Aruba N.V.

Sra. Esther Emerencia Gomes.3.5

Minister di Finansa, Asunto Economico y Sector Primario, Geoffrey Wever, ta felicita y
gradici Sra. Esther Gomez cu su nombracion como director nobo di Post Aruba N.V.
Diahuebs mainta, den presencia di minister Wever, Raad van Commissarissen,
empleadonan y demas stakeholdernan, a firma un acuerdo laboral cu Sra.
Emerencia-Gomes.

Post Aruba N.V. a enfrenta reto significativo durante hopi aña, tanto den e ambito
financiero como operacional. E empresa tabata den necesidad di reorganisacion pa
bira mas stabil, competitivo y sostenibel den un mundo di comunicacion cu ta
cambia rapidamente. Na nivel global, e industria di post ta den transicion continuo y
Aruba no ta un excepcion.

Den aña 2024, como parti di un proceso di reorganisacion, a apunta un Raad van
Commissarissen nobo y despues Sra. Esther Emerencia-Gomes hunto cu Sr.
Ramoncito Croes a wordo instala como e directornan suplente. Nan tabata encarga
cu carga e transicion di Post Aruba pa un rumbo nobo.

Durante su presentacion, Minister Wever a destaca cu e ultimo lunanan tabata tin
señal positivo. Despues di 12 aña, Post Aruba N.V. y sindicato SEPPA a logra yega na
un acuerdo colectivo nobo (CAO), un paso esencial pa crea stabilidad laboral; un
paso di progreso necesario pa por sigui mehora servicio di e compania.

"Mi ta contento cu poco poco, despues di hopi esfuerzo, nos ta mira paso concreto
den direccion corecto. Sra. Emerencia-Gomes ta hiba un experiencia amplio, un
liderazgo firme y alabes husto, y un deseo pa traha pa un Post Aruba N.V. cu ta
resiliente y moderno. Masha pabien y hopi exito cu e trabounan bo tin bo dilanti,"
Minister Wever a expresa. Tambe e mandatario ta gradici e Raad van
Commissarissen pa nan trabou ehemplar y diligente encamina pa yega na e logro
aki.

Minister Geoffrey Wever lo sigui traha cerca cu Post Aruba N.V. y su directiva pa
apoya e transformacion necesario, pa nan por transiciona pa un modelo comercial
mas fuerte, efectivo y orienta riba e necesidad real di comunidad Arubiano.

Sra. Esther Emerencia Gomes.77Sra. Esther Emerencia GomesSra. Esther Emerencia Gomes 1

Related posts

Parlamentario Shailiny Tromp Lee den su disertacion na IPKO Curaçao: Hulanda kier trata deficit democratico y pasado di sclavitud y den mes rosea kier impone un Rijkswet riba islanan

EA News Author

A.T.A. ta comparti resultado di juni 2026

EA News Author

Ministerio publico ta apela riba caso di violacion di un alumno menor di edad

EA News Author

Leave a Comment

Whatsapp Message