Tur cos bon den bida di hende tin su preis.
Matrimonio ta carga su etiketa di Respet, Humildad, Pasenshi, Amor, Decencia, Pordon y locual ta mas importante balora otro.
Pesey Hesus a bisa lo siguiente: Boso no a lesa cu esun cu a crea hende for di principio, a traha nan homber y muher, y a bisa: Pa e motibo aki un homber lo bandona su tata y su mama y lo uni cu su esposa, y nan dos lo,bira un carni. Pesey loke Dios a uni, no laga ningun hende separa.(Mateo 19:4-6).
Aki nan e palabra di Dios ta refleha riba Genesis 1:27 den cual ta para scirbi: Dios a crea hende segun Su mes imagen, segun e imagen di Dios E a crea hende homber y muher, E a crea nan.
Y den Genesis 2:18 e palabra di Dios ta bisa: E ora ey Senjor Dios a bisa, no ta bon pa e homber ta so, lo mi traha un yudado pe cu ta pas cune.
Pa un matrimonio ta Solido y Saludabel na prome lugar mester tin bon comunicacion cu Dios y entre e pareha,mester busca prome e reino di Dios y Su husticia y tur e cosnan aki lo wordo anadi na boso.(Mateo 6:33).
Tene na cuenta cu conseho matrimonial, no ta nifica cu e matrimonio a faya, pero conseho matrimonial cu fuente biblico, establece riba e palabra di Dios, semper a fortalese matrimonio, pasobra matrimonio ta di Dios, e ta un reflecion di Cristo y Su iglesia.
Den matrimonio e pareha mester comunica honestamente cu otro pasobra Efesionan 4:29 ta bisa: No laga ningun palabra danino sali for di boso boca,sino solamente palabra cu ta bon pa edificacion,conforme e necesidad di e momento, pa esaki por duna gracia na esnan cu ta tende.
Ora nos ta papia bon cu otro nos ta edifica otro, y dominio propio( Galationan 5:22 ta crece mey mey di nos.
Sea lihe pa pordona , no laga solo baha riba boso rabia.( Efesionan 4:26-27).
Haci oracion un pa otro.( 1 Thesalonisensenan 5:17-18).
Laga cosnan bieu bay ( Isaias 43:18).
Reconstrui di nobo ( Isiaias 43:19).
Laga Dios dirigi ( Colosensenan 3:15).
Respeta otro su necesidad y sentimento. ( Colosensenan 3:19).
Entrega bo boluntad pa otro por sinti bon. ( Filippensenan 2:3-4).
Sirbi otro. (Efesionan 5:21).
Ta bon pa tur hende homber haci oracion pa nan esposa, pasobra corda bon cu Dios a pone abo como cabes.
Bisa bo esposa cu bo ta stime.
Papia palabra di bida cu bo esposa, encurasha bo esposa.
Guia bo esposa y henter bo famia.
Como hende homber laga Spirito Santo crucifica bo orguyo.
Critica y murmuracion constante ta kita pas den boso hogar y por destrui boso matrimonio.
Semper wak bon prome cu bo casa, pa bo casa ta un hende cu ta stima Dios, pasobra ta dificil pa un homber ta stima Dios y no ta stima su esposa.
Cada esposo mester stima nan esposa manera nan propio curpa, pasobra ta dificil pa hende haci danjo na nan propio curpa.
Dios a pone e Cristo na cabes di tur cos , pasobra tur autoridad a wordo entrega na Cristo Hesus.
Dios a pone e homber como cabes di cas ( Famia) pasobra tur homber mester somete na Dios.
Dios a pone e muher como ayudante di e homber, y cual tambe tin cu somete na e homber, pasobra e homber ta someti na Dios.
E yuinan mester honra nan tata y nan mama,pasobra e mayornan mester instrui nan yiu den caminda di Dios. ( Efesionan 6:1-4).
Oracion den famia, ta haci matrimonio semper fuerte.